josh par phir hai tabiyat tere diivaano.n kii

josh par phir hai tabiyat tere diivaano.n kii
phir chamakane ko hai taqdiir biyaabaano.n kii

TuuTaa TuuTaa saa hai har ek sahaaraa dil kaa
suunii suunii hai duniyaa mere armaano.n kii

saarii duniyaa to chhuuTii tum ne bhii muu.Nh mo.D liyaa
qaabil-e-raham hai haalat mere armaano.n kii

aur hii ruKh hai havaa-e-Gam-e-dil kaa "Yahya"
bahakii bahakii sii hai baate.n tere diivaano.n kii