Contributed by Fayaz Razvi
 
nayaa nayaa thaa hame.n bhii junuu.N parastish kaa
banaa huaa thaa sar-e-anjuman Khudaa vo bhii

Contributed by Fayaz Razvi
 
u.ngaliyaa.N log uThaate hai.n jidhar jaate hai.n
ham to is naam se benaam-o-nishaa.N achchhe the

Contributed by Fayaz Razvi
 
merii dastaras me.n hai gar qalam mujhe husn-e-fikr-o-Khayaal de
mujhe taajadaar-e-suKhan banaa mujhe aitabaar-e-kamaal de
 
[dastaras=reach/power; taajadaar=sovereign]
 
ko_ii baat aqarab-o-shams kii ko_ii zikr-e-zoharaa-o-mushtarii
tuu ba.Daa sitaaraa shanaas hai mujhe ko_ii achchhey se faal de
 
[aqarab=scorpion (zodiac sign); zoharaa=Venus; mushtarii=Jupiter; faal=prediction]