kabhii nekii bhii us ke jii me.n gar aa jaaye hai mujh se
Mirza Ghalib

kabhii nekii bhii us ke jii me.n gar aa jaaye hai mujh se 
jafaaye.n kar ke apanii yaad sharmaa jaaye hai mujh se 

Khudaayaa jazbaa-e-dil kii magar taasiir ulaTii hai 
ki jitanaa khe.nchataa huu.N aur khi.nchataa jaaye hai mujh se 

sa.Nbhalane de mujhe ai naa_umiidii kyaa qayaamat hai 
ki daamaan-e-Khayaal-e-yaar chhuuTaa jaaye hai mujh se

qayaamat hai ki hove mudda_ii kaa ham_safar 'Ghalib'
vo kaafir jo Khudaa ko bhii na sau.npaa jaaye hai mujh se