phir mujhe diidaa-e-tar yaad aayaa
Mirza Ghalib

phir mujhe diidaa-e-tar yaad aayaa 
dil jigar tishnaa-e-fariyaad aayaa 

[diidaa-e-tar=vet eyes, tashnaa=thirsty] 

dam liyaa thaa na qayaamat ne hanoz 
phir teraa vaqt-e-safar yaad aayaa 

[hanoz=yet/still ] 

zindagii yuu.N bhii guzar hii jaatii 
kyo.n teraa raah_guzar yaad aayaa 

ko_ii viiraanii-sii viiraanii hai 
dasht ko dekh ke ghar yaad aayaa 

[dasht=desert ] 

mai.n ne majanuu.N pe la.Dakapan me.n 'Asad' 
sang uThaayaa thaa ke sar yaad aayaa 

[sang=stone]