phir kuchh is dil ko beqaraarii hai
Mirza Ghalib

phir kuchh is dil ko beqaraarii hai
siinaa zoyaa-e-zaKhm-e-kaarii hai

[zoya=seeker, zaKhm-e-kaarii=deep wound ]

phir jigar khodane lagaa naaKhun
aamad-e-fasl-e-laalaakaarii hai

[aamad=arrival, fasl=season/harvest ]

phir usii bevafaa pe marate hai.n
phir vahii zindagii hamaarii hai

be_Khudii be_sabab nahii.n 'Ghalib'
kuchh to hai jis kii pardaadaarii hai

[be_Khudii=rapture, be_sabab=vithout any reason]
[pardaadaarii=to hide, esp. fault ]