ye kare.n yaa vo kare.n aisaa kare.n vaisaa kare.n
Nazeer Banarasi

ye kare.n yaa vo kare.n aisaa kare.n vaisaa kare.n
zindagii do din kii hai do din me.n ham kyaa kyaa kare.n

jii me.n aataa hai ki de.n parde se parde kaa javaab
ham se vo pardaa kare.n duniyaa se ham pardaa kare.n

sun rahaa huu.Nkuchh luTere aa gaye hai.n shahar me.n
aap jaldii ba.ndh apane ghar kaa daravaazaa kare.n

is puraanii bevafaaduniyaa kaa ronaa kab talak
aa_iiye mil-jhul ke ik duniyaa na_ii paidaa kare.n