nii.nd se aa.Nkh khulii hai abhii dekhaa kyaa hai
Shahid Kabir

nii.nd se aa.Nkh khulii hai abhii dekhaa kyaa hai
dekh lenaa abhii kuchh der me.n duniyaa kyaa hai

baa.Ndh kar rakhaa hai kisii soch ne ghar se hamako
varanaa dar-o-diivaar se rishtaa kyaa hai

ret kii ii.NT kii patthat kii ho yaa miTTii kii
kisii diivaar ke saaye kaa bharosaa kyaa hai

apanii daanisht me.n samajhe ko_ii duniyaa 'Shahid'
varanaa haatho.n me.n lakiiro.n ke ilaavaa kyaa hai