un aa.Nkho.n kaa aalam gulaabii gulaabii
Behzad Lucknawi

un aa.Nkho.n kaa aalam gulaabii gulaabii 
mere dil kaa aalam sharaabii sharaabii 

nigaaho.n ne dekhii muhabbat ne maanii 
terii bemisaalii terii laajavaabii 

ye duz-diidaa nazare.n ye raftaar-e-naazuk 
inhii.n kii badaulat hu_ii hai Kharaabii 

Khudaa ke liye apanii nazaro.n ko roko 
tamannaa banii jaa rahii hai javaabii 

hai "Behzad" un kii nigaah-e-karam par 
merii naa_muraadii merii kaamayaabii