zikr us pariivash kaa, aur phiir bayaa.N apanaa
Mirza Ghalib

zikr us pariivash kaa, aur phiir bayaa.N apanaa 
ban gayaa raqiib aaKhiir thaa jo raazadaa.N apanaa 

[pariivash=angel, raqiib=enemy, raazadaa.N= confidante] 

mai vo kyo.N bahut piite bazm-e-Gair me.n yaarab 
aaj hii huaa manzuur un ko imtihaa.N apanaa 

manzar ik bulandii par aur ham banaa sakate 
arsh se idhar hotaa kaash ke makaa.N apanaa 

[arsh=heaven] 

ham kahaa.N ke daanaa the kis hunar me.n yaktaa the 
besabab huaa 'Ghalib' dushman aasmaa.N apanaa 

[daanaa = wise/learned, yaktaa=unique]