ulaTii ho ga_ii.n sab tadabiire.n kuchh na davaa ne kaam kiyaa
Meer Taqi Meer

ulaTii ho ga_ii.n sab tadabiire.n kuchh na davaa ne kaam kiyaa
dekhaa is biimaarii-e-dil ne aaKhir kaam tamaam kiyaa

[tadabiren = plans]


ahad-e-javaanii ro ro kaaTaa piirii me.n lii aa.Nkhe.n muu.Nd 
yaanii raat bahut se jaage subah hu_ii aaraam kiyaa

[ahad = days; piirii = old age]

yaa.N ke safed-o-siyaah me.n ham ko daKhal jo hai so itanaa hai
raat ko ro ro subah kiyaa aur subah ko jyo.n tyo.n shaam kiyaa

[daKhal = interference; jyo.n-tyo.n = in some way or other]

'Meer' ke diin-o-mazhab ko ab puuchhate kyaa ho un ne to
qashqaa khe.nchaa dair me.n baiThaa kab kaa tark islaam kiyaa