gale lagaa ke jo sunate the dil kii aaho.n ko

gale lagaa ke jo sunate the dil kii aaho.n ko
taras rahaa huu.N unhii.n kii hasiin baaho.n ko

qadam qadam pe vo aa.Nkhe.n bichhaa bichhaa denaa
zaruur yaad to hogaa tumhaarii raaho.n ko

duhaa_ii hai terii ai raahazan duhaa_ii hai
ki aaj luuT liyaa raahabar ne raaho.n ko

mile na phir tere daaman me.n daaG un ke 'Shamim'
sharaab-e-naab se dhoyaa hai jin kii aaho.n ko