Khuddaariyo.n ke Khuun ko arzaa.N na kar sake
Sahir Ludhianvi
Khuddaariyo.n ke Khuun ko arzaa.N na kar sake
ham apane jauharo.n ko numaayaa.N na kar sake
hokar Kharaab-e-may tere Gam to bhulaa diye
lekin Gam-e-hayaat kaa daramaa.N na kar sake
TuuTaa talism-e-ahad-e-mohabbat kuchh is tarah
phir aarazuu kii shamaa furezaa.N na kar sake
har shay qariib aake kashish apanii kho ga_ii
vo bhii ilaaj-e-shauq-e-gurezaa.N na kar sake
kis darjaa dil-shikan the mohabbat ke haadase
ham zindagii me.n phir ko_ii aramaa.N na kar sake
maayuusiiyo.n ne chhiin liye dil ke val-vale
vo bhii nishaat-e-ruuh kaa saamaa.N na kar sake