Contributed by Tejjit Kalsi and Ahsan Hafeez
 
qisse terii nazar ne sunaaye na phir kabhii
ham ne bhii dil ke daaG dikhaaye na phir kabhii
 
ai yaad-e-dost aaj to jii bhar ke dil dukhaa
shaayad ye raat hijr kii aaye na phir kabhii

Contributed by Fayaz Razvi
 
chaa.Nd nikalaa thaa magar raat na thii pahalii sii
ye mulaaqaat mulaaqaat na thii pahalii sii
 
rang kuchh kam to huaa aaj tere milane se
ye alag baat ke vo baat na thii pahalii sii
 
[13th Apr. 1963]

Contributed by Tejjit Kalsi
 
havaa bhii chal rahii hai aur chal rahii hai raat bhii
jo aap kuchh kahe.n to ham sunaaye.n dil kii baat bhii

Contributed by Fayaz Razvi
 
diyaa hai dil to ko_ii dard-e-kaaragaar bhii de
zubaa.N dii hai to fariyaad me.n asar bhii de  
[Aal e Al-sabaah, 31 Jan. 1965]

Contributed by Fayaz Razvi
 
kahii.n kahii.n ko_ii raushanii hai jo aate jaate se puuchhatii hai
kahaa.N hai vo ajanabii musaafir kahaa.N gayaa vo udaas shaayar
 
[30th Dec. 1971]

Contributed by Fayaz Razvi
 
qabuul hai.n jinhe.n Gam bhii terii Khushii ke liye
vo jii rahe hai.n haqiiqat me.n zindagii ke liye

Contributed by Tejjit Kalsi
 
tere beGair bhii Khaalii nahii.n merii raate.n
hai ek saayaa mere saath ham_nashii.n kii tarah