Meg Index | July 2000 Index

Date: 31-Jul-2000
Poet: Nasir Kazmi


safar-e-manzil-e-shab yaad nahii.n
log ruKhsat huye kab yaad nahii.n

[ruKhsat = to leave]

dil me.n har vaqt chubhan rahatii thii
thii mujhe kis kii talab yaad nahii.n

[talab = desire]

vo sitaaraa thii ke shabanam thii ke phuul
ik suurat thii ajab yaad nahii.n

[shabanam = dew]

aisaa ulajhaa huu.N Gam-e-duniyaa me.n
ek bhii Khvaab-e-tarab yaad nahii.n

[tarab = joy]

bhuulate jaate hai.n maazii ke dayaar
yaad aaye.n bhii to sab yaad nahii.n

[maazii = past; dayaar = place/residence]

ye haqiiqat hai ke ahabaab ko ham
yaad hii kab the ke ab yaad nahii.n

[haqiiqat = reality; ahabaab (plural of habiib) = friends]

yaad hai sair-e-charaaGaa.N "Nasir"
dii ke bujhane kaa sabab yaad nahii.n

[sair-e-charaaGaa.N = strolling through brightly illuminated paths]
[sabab = reason]


--------------------------------------------------
Mehfil-e-Gazal Archive:
http://www.geocities.com/urdu_poetry/

Urdu Poetry Archive:
http://www.urdupoetry.com

E-mail your queries to moderator@urdupoetry.com
--------------------------------------------------