Home | March 2000 Index

Date: 29-Mar-2000
Poet: Jigar Moradabadi

ik lafz-e-mohabbat kaa adanaa saa fasaanaa hai 
simTe to dil-e-aashiq phaile to zamaanaa hai 

[lafz = word; adanaa = insignificant]

ye kisakaa tasavvur hai, ye kisakaa fasaanaa hai 
jo ashk hai aa.Nkho.n me.n tasbiih kaa daanaa hai 

[tasavvur = imagination; tasbiih = rosary]

ham ishq ke maaro.n kaa itanaa hii fasanaa hai 
rone ko nahii.n koii ha.Nsane ko zamaanaa hai 

vo aur vafaa dushman, maane.nge na maanaa hai 
sab dil kii sharaarat hai aa.Nkho.n kaa bahaanaa hai 

[sharaarat = mischief; bahaanaa = excuse]

kyaa husn ne samajhaa hai kyaa ishq ne jaanaa hai 
ham Khaak-nashiino.n kii Thokar me.n zamaanaa hai 

[Khaak = dust/ashes; nashii.n = sitting in]

vo husn-o-jamaal unakaa ye ishq-o-shabaab apanaa 
jiine kii tamannaa hai maranaa kaa zamaanaa hai 

[jamaal = beauty; shabaab = youth/primeof life]

yaa vo the Khafaa ham se yaa ham the Khafaa unase 
kal un kaa zamaanaa thaa aaj apanaa zamaanaa hai 

[Khafaa = angry]

ashko.n ke tabassum me.n aaho.n ke tarannum me.n 
maasuum mohabbat kaa maasuum fasaanaa hai 

[ashk = tears; tabassum = smile; aah = sigh; tarannum = melody]
[maasuum = innocent]

aa.Nkho.n me.n namii sii hai chup-chup se vo baiThe hai.n 
naazuk sii nigaaho.n me.n naazuk saa fasaanaa hai 

[namii = wetness; naazuk = delicate]

hai ishq-e-junuu.N-peshaa! haa.N ishq-e-junuu.N-peshaa 
aaj ek sitamagar ko ha.Ns ha.Ns ke rulaanaa hai 

[peshaa = profession; sitamagar = oppressor]

ye ishq nahii.n aasaa.N itanaa to samajh liije 
ek aag kaa dariyaa hai aur Duub ke jaanaa hai 

[aasaa.N = easy; dariyaa = river]

aa.Nsuu to bahot se hai.n aa.Nkho.n me.n 'Jigar' lekin 
bi.ndh jaaye so motii hai rah jaaye so daanaa hai 

[bi.ndhanaa = to string (beads on a thread, for example)

-------------------------------------------------
Mehfil-e-Gazal Archive:
http://www.geocities.com/Paris/Rue/8764/

Nita's Urdu Poetry Archive:
http://www.urdupoetry.com

Please forward all your queries to moderator@urdupoetry.com
--------------------------------------------------