Home | February 2000 Index

Date: 2-Feb-2000
Poet: Naresh Kumar Shad

ye i.ntazaar Galat hai ki shaam ho jaaye 
jo ho sake to abhii daur-e-jaam ho jaaye 

Khudaa-na Khvaastaa piine lage jo vaa_iz bhii 
hamaare vaaste piina haraam ho jaaye 

[Khudaa-na Khvaastaa = God forbid!; vaa_iz = preacher/learned man]

mujh jaise ri.nd ko bhii tuu ne hashr me.n yaa rab 
bulaa liyaa hai to kuchh intazaam ho jaaye 

[ri.nd = one who likes to drink]

vo sahan-e-baaG me.n aaye hai.n may-kashii ke liye 
Khudaa kare ke har ik phuul jaam ho jaaye 

[sahan-e-baaG = garden; may-kashii = to drink]

mujhe pasand nahii.n us pe gaam-zan honaa 
vo rah-guzar jo guzar-gaah-e-aam ho jaaye 

[gaam-zan = to step out; guzar-gaah-e-aam = road travelled by all]

-------------------------------------------------
Mehfil-e-Gazal Archive:
http://www.geocities.com/Paris/Rue/8764/

Nita's Urdu Poetry Archive:
http://www.urdupoetry.com

Please forward all your queries to moderator@urdupoetry.com
--------------------------------------------------