Home | October '99 Index

Date: 12-Nov-99
Poet: Nida Fazli

kuchh tabiyat hii milii thii aisii chain se jiine kii suurat na hu_ii
jis ko chaahaa use apanaa na sake jo milaa us se muhabbat na hu_ii 

jis se jab tak mile dil hii se mile dil jo badalaa to fasaanaa badalaa 
rasme.n duniyaa kii nibhaane ke liye hamase rishto.n kii tijaarat na hu_ii 

[tijaarat = trade]

duur se thaa vo ka_ii cheharo.n me.n paas se ko_ii bhii vaisaa na lagaa 
bevafaa_ii bhii usii kaa thaa chalan phir kisii se hii shikaayat na hu_ii 

vaqt ruuThaa rahaa bachche kii tarah raah me.n ko_ii khilaunaa na milaa 
dostii bhii to nibhaa_ii na ga_ii dushmanii me.n bhii adaavat na hu_ii 

[adaavat = enmity]