Home | August '99 Index

Date: 27-Aug-99
Poet: Sufi Ghulam Mustafa "Tabassum"

tujhako aate hii nahii.n chhupane ke a.ndaaz abhii
mere siine me.n hai.n larzaa.N terii aavaaz abhii

us ne dekhaa hii nahii.n dard kaa aaGaaz abhii
ishq ko apanii tamannaao.n pe hai naaz abhii

[aaGaaz = beginning]

[** This sher brings to mind one by Zia Jalandhary:

ishq kaa bhii ko_ii a.njaam huaa karataa hai 
ishq me.n yaad hai aaGaaz hii aaGaaz mujhe 

from the ghazal "har tarannum me.n milii hai terii aavaaz mujhe" 
sung by Abida Parveen **]

tujhako ma.nzil pe pahu.Nchane kaa hai daavaa ham-dam
mujhako a.njaam nazar aataa hai aaGaaz abhii

kis qadar gosh-bar-aavaaz hai Khaamoshii-e-shab
ko_ii naalaa ki hai fariyaad kaa dar baaz ko_ii

[dar baaz = open door]

mere chehare kii ha.Nsii ra.ng-e-shikastaa meraa
tere ashko.n me.n "Tabassum" kaa hai a.ndaaz abhii

[ra.ng-e-shikastaa = colour of defeat]