Home | June '99 Index

Date: 22-Jun-99
Poet: Ahmed Faraz

mu.ntazir kab se tahayyur hai terii taqariir kaa
baat ka tujh par gumaa.N hone lagaa tasviir kaa

[mu.ntazir = waiting; tahayyur = amazement; taqariir = speech]

raat kyaa soye ki baaqii umr kii nii.nd u.D ga_ii
Khvaab kyaa dekhaa ki dha.Dakaa lag gayaa taabiir kaa

[taabiir = reality]

jaane tuu is aalam me.n bichha.Daa hai ki tere baGair
aaj tak har lafz hai fariyaadii merii tahariir kaa

[tahariir = writing]

jis tarah baadal kaa saayaa pyaas bha.Dakaataa rahe
mai.n ne vo aalam bhii dekhaa hai terii tasviir kaa

kis tarah paayaa tujhe phir kis tarah khoya tujhe
mujh saa mu.nkir bhii to qaayal ho gayaa taqadiir kaa

[mu.nkir = atheist; qaayal honaa = to be a fan/follower]

jis ko bhii chaahaa use shiddat se chaahaa hai "Faraz"
sil-silaa TuuTaa nahii.n dard kii za.njiir kaa