Home | August '98 Index

No words are needed to describe Faiz's poetry. The simplicity 
of words chosen,  and the imagery of those words are introduction 
enough.


terii ummiid teraa i.ntazaar jab se hai
na shab ko din se shikaayat na din ko shab se hai

kisii kaa dard ho karate hai.n tere naam raqam
gilaa hai jo bhii kisii se terii sabab se hai

huaa hai jab se dil-e-naasabuur beqaabuu
kalaam tujhase nazar ko ba.Dii adab se hai

[naasabuur = impatient]

agar sharar hai to bha.Dake, jo phuul hai to khile
tarah tarah kii talab tere ra.ng-e-lab se hai

kahaa.N gaye shab-e-furqat ke jaaganevaale
sitaaraa-e-sahar ham-kalaam kab se hai