har subah hai ik ajiib saudaa mujhako
har shaam hai ik-tarafaa taqaazaa mujhako
jug biit gayaa magar ye ab tak na khulaa
aaKhir kis shay kii hai tamannaa mujahko

tujhase jo phiregii to kidhar jaayegii
le jaayegaa jis simt udhar jaayegii
duniyaa ke havaadis se na ghabaraa ki ye umr
jis tarah guzaaregaa guzar jaayegii

ik umr tasavvuf ne mujhako chakaraayaa
is bahar me.n ek bhii na motii paayaa
har martabaa jab ki jaal khii.Nchaa mai.n ne
to ik-na-ik vaham aTak kar aayaa

[bahar=sea; har martabaa=every time; vaham=doubt]

jannat ke mazo.n pe jaan dene vaalo
ga.nde paanii me.n naa.v khene vaalo
har Khair pe chaahate ho sattar huure.n
ai apane Khudaa se suud maa.Nganae vaalo

kal motiyo.n ko rol diyaa saaqii ne
sone me.n mujhe tol diyaa saaqii ne
ye sun ke ki khulataa nahii.n maqasuud-e-hayaat
mayaKhaane kaa dar knol diyaa saaqii ne

Contributed by Fayaz Razvi
 
haaye merii mushkilo tum ne bhii kyaa dhokaa diyaa
ain dil-chaspii kaa aalam thaa ke aasaa.N ho ga_ii.n