Contributed by Ali Minai
 
terii Khaatir jo itanaa roye hai.n
ha.Ns bhii le.nge terii Khushii ke liye

Contributed by Ali Minai
 
shauq kii diivaanagii tay kar ga_ii kitane maqaam
aql jis manzil me.n thii ab tak usii manzil me.n hai

Contributed by Ali Minai
 
baarahaa us bazm me.n ham ban ke begaane gaye
laakh chup baiThe magar nazaro.n se pahachaane gaye
 
laayaq-e-pur_sish na the lekin chalaa jab daur-e-jaam
vaaqif-e-adab-e-maiKhaanaa hamii.n maane gaye

Contributed by Ali Minai
 
ab sitam se bhii baaz aaye vo
intehaa-e-sitam ho ga_ii