tum se ulfat ke taqaaze na nibaahe jaate

tum se ulfat ke taqaaze na nibaahe jaate
varnaa ham ko bhii tamannaa thii ke chaahe jaate

[taqaaze = demands]

dil ke maaro kaa na kar Gam ki ye andoh_nasiib
zaKhm bhii dil me.n na hotaa to karaahe jaate

[andoh_nasiib = unfortunate (people)]

dii na mohalat hame.n hastii ne vafaa kii varnaa
aur kuchh din Gam-e-hastii se nibaahe jaate

[mohalat = time; hastii = life]