zaraa chehare se kamalii ko haTaa do yaa rasuulallaah
hame.n bhii apanaa diivaanaa banaa do yaa rasuulallaah

muhabbat Gair se merii chhu.Daa do yaa rasuulallaah
merii so_ii hu_ii qismat jagaa do yaa rasuulallaah

ba.Dii qismat hamaarii hai ki ummat me.n tumhaarii hai.n
bharosaa diin duniyaa me.n tumhaaraa yaa rasuulallaah

andherii qabr me.n mujh ko akelaa chho.D jaaye.nge
vahaa.N ho fazl se tere ujaalaa yaa rasuulallaah

Khudaa mujh ko madiine me.n jo pahu.Nchaaye to bahatar hai
ki rauze par hii de duu.Ngaa jaa.N tak yaa rasuulallaah