chhoTii sii Galat_fahamii kar degii judaa ham ko
haalaat na badale.nge maaluum naa thaa ham ko
 
[Galat_fahamii = misunderstanding; haalaat = circumstances]

rishto.n kii hame.n itanii pahachaan na thii pahale
kahane ko maraasim to apane the bahut gehare
ashko.n ke sivaa lekin kuchh bhii na milaa ham ko
 
[maraasim = relationships; sivaa = other than]

uThate hue qadamo.n me.n zanjiir sii pa.D jaatii
ehasaas-e-nidaamat se dahaliiz par ga.D jaatii
ik baar muhabbat se dete jo sadaa ham ko
 
[ehasaase-e-nidaamat = feeling of repentance/regret]
[dahaliiz = threshold; sadaa = call]