labo.n pe narm tabassum rachaa ke dhul jaaye.N

labo.n pe narm tabassum rachaa ke dhul jaaye.N 
Khudaa kare mere aa.Nsuu kisii ke kaam aaye.N 

jo ibtadaa-e-safar me.n diye bujhaa baiThe 
vo bad_nasiib kisii kaa suraaG kyaa paaye.N 

talaash-e-husn kahaa.N le chalii Khudaa jaane 
umang thii ki faqat zindagii ko apanaaye.N 

bulaa rahe hai.n ufaq par jo zard-ruu Tiile 
kaho to ham bhii fasaane ke raaz ho jaaye.N 

na kar Khudaa ke liye baar-baar zikr-e-bahisht 
ham aasmaa.N kaa mukarrar fareb kyo.n khaaye.N 

tamaam maikadaa sun_saan maigusaar udaas 
labo.n ko khol kar kuchh sochatii hai.n miinaaye.N