Home | Index of Poets Zaheer Anwar

tumhe.n bhuul jaa_uu.N ye hotaa nahii.n


tumhe.n bhuul jaa_uu.N ye hotaa nahii.n
ko_ii vaqt ho dard sotaa nahii.n

na ho jaao bad_naam tum is liye
mai.n ro ro ke daaman bhigotaa nahii.n

ye vo fasl hai jo uge Khud-ba-Khud
ko_ii dard ke biij botaa nahii.n

ye maanaa ke tuufaan kaa zor hai
mai.n ghabaraa ke kashtii Dubotaa nahii.n

Home | Index of Poets Zaheer Anwar
Maintained by Nita Awatramani
URL: http://www.urdupoetry.com
Last updated on: 9th February, 2002