Home | Index of Poets Bahadur Shah Zafar

subah ro ro ke shaam hotii hai


subah ro ro ke shaam hotii hai 
shab ta.Dap kar tamaam hotii hai 

saamane chashm-e-mast ke saaqii 
kis ko parvaah-e-jaam hotii hai 

ko_ii Gunchaa khilaa ke bul-bul ko 
bekalii zar-e-daam hotii hai 

ham jo kahate hai.n kuchh ishaaro.n se 
ye Khataa laa-kalaam hotii hai 

Contributed by Khursheed Ahmed

Home | Index of Poets Bahadur Shah Zafar
Maintained by Nita Awatramani
URL: http://www.urdupoetry.com
Last updated on: 4th January, 2003