kiije na das me.n baiTh kar aapas kii baat chiit

kiije na das me.n baiTh kar aapas kii baat chiit 
pahu.Nchegii das hazaar jagaah das kii baat chiit 

kab tak rahe.n Khaamosh ke zaahir se aap kii 
ham ne bahut sunii kas-o-naakas kii baat chiit 

muddat ke baad hazarat-e-naaseh karam kiyaa 
farmaa_iiye mizaaj-e-muqaddas kii baat chiit 

par tark-e-ishq ke liye izhaar kuchh na ho 
mai.n kyaa karuu.N nahii.n ye mere bas kii baat chiit 

kyaa yaad aa gayaa hai "Zafar" panjaa-e-nigaar 
kuchh ho rahii hai band-o-muKhammas kii baat chiit