Home | Index of Poets Sikander Ali Wajd

jab vo masaruur nazar aataa hai


jab vo masaruur nazar aataa hai
har taraf nuur nazar aataa hai

[masaruur = happy; nuur = light]

mai.n to maiKhvaar huu.N tuu kyo.n saaqii
nashe me.n chuur nazar aataa hai

[maiKhvaar = one who drinks wine]

qurb se haath uThaayaa mai.n ne
tuu ba.Dii duur nazar aataa hai

[qurb = vicinity/nearness]

mai.n hii tanhaa nahii.n dil ke haatho.n
tuu bhii majabuur nazar aataa hai

Khaak_saarii ko chhupaane ke liye
'Wajd' maGaruur nazar aataa hai

[Khaak_saarii = humility]
[maGaruur = haughty/arrogant]

Home | Index of Poets Sikander Ali Wajd
Maintained by Nita Awatramani
URL: http://www.urdupoetry.com
Last updated on: 24th May, 2001