dard minnat_kash-e-davaa na huaa
Mirza Ghalib

Prelude:

kuchh to pa.Dhiye ki log kahate hai.n 
aaj 'Ghalib' Gazal_saraa na huaa 


dard minnat_kash-e-davaa na huaa 
mai.n na achchhaa huaa, buraa na huaa 

[minnat_kash-e-davaa=obliged to medicine] 

jamaa karate ho kyo.n raqiibo.n ko 
ik tamaashaa huaa gilaa na huaa 

[raqiib = rival in love)]

hai Khabar garm un ke aane kii 
aaj hii ghar me.n boriyaa na huaa 

[boriyaa=mat] 

kyaa vo namaruud kii Khudaa_ii thii 
bandagii me.n meraa bhalaa na huaa 

[namarud=Nimrod=a king who used to say that he was God] 

jaan dii, dii hu_ii usii kii thii 
haq to ye hai ke haq adaa na huaa