Home | Index of Singers Jagjit_Chitra Page

tere baare me.n jab sochaa nahii.n thaa
Meraj Faizabadi

tere baare me.n jab sochaa nahii.n thaa
mai.n tanhaa thaa magar itanaa nahii.n thaa

terii tasviir se karataa thaa baate.n
mere kamare me.n aa_iinaa nahii.n thaa

sama.ndar ne mujhe pyaasaa hii rakhaa
mai.n jab seharaa me.n thaa pyasaa nahii.n thaa

manaane-ruuThane ke khel me.n ham
bichha.D jaaye.nge ye sochaa nahii.n thaa

sunaa hai band kar li us ne aa.Nkhe.n
ka_ii raato.n se vo soyaa nahii.n thaa

Available in Album(s):

Home | Index of Singers Jagjit-Chitra Page
Maintained by Nita Awatramani
URL: http://www.ghazalsingers.com
Last updated on: 20th June, 2000