Home | Index of Singers Jagjit_Chitra Page

ham dostii ehasaan vafaa bhuul gaye hai.n
Payaam Saeedi

ham dostii ehasaan vafaa bhuul gaye hai.n
zi.ndaa to hai.n jiine kii adaa bhuul gaye hai.n

Khushbuu jo luTaate hai.n masalate hai.n usii ko
ehasaas kaa badalaa ye milataa hai kalii ko
ehasaas to lete hai.n silaa bhuul gaye hai.n

karate hai.n muhabbat kaa aur ehasaas kaa saudaa
matalab ke liye karate hai.n iimaan kaa saudaa
Dar maut kaa aur Khauf-e-Khudaa bhuul gaye hai.n

ab mom me.n Dhalakar ko_ii patthar nahii.n hotaa
ab ko_ii bhii qurbaan kisii par nahii.n hotaa
kyuu.N bhaTake hai.n manzil kaa pataa bhuul gaye hai.n

Available in Album(s):

Home | Index of Singers Jagjit-Chitra Page
Maintained by Nita Awatramani
URL: http://www.ghazalsingers.com
Last updated on: 20th June, 2000