maa.N sunaao mujhe vo kahaanii
Nandlal Pathak

maa.N sunaao mujhe vo kahaanii
jis me.n raajaa na ho na ho raanii

jo hamaarii tumhaarii kathaa ho
jo sabhii ke hriday kii gaathaa ho
ga.ndh jis me.n ho apanii dhaaraa kii
baat jis me.n ho apasaraa kii
ho na pariyaa.N jahaa.N aasamaanii

vo kahaanii jo ha.Nsanaa sikhaa de
peT kii bhuukh ko bhii miTaa de
jis me.n sach kii bhaarii chaa.Ndanii ho
jis me.n ummiid kii roshanii ho
jis me.n na ho kahaanii puraanii