Home | Index of Singers Jagjit_Chitra Page

ham hii me.n thii na koii baat, yaad na tum ko aa sake
Hafeez Jullundhary

ham hii me.n thii na koii baat, yaad na tum ko aa sake
tumne hame.n bhulaa diyaa, ham na tumhe.n bhulaa sake

tum hii na sun sake agar, qissaa-e-Gam sunegaa kaun
kis kii zubaa.N khulegii phir, ham na agar sunaa sake

shauq-e-visaal hai yahaa.N, lab pe savaal hai yahaa.N
kis kii majaal hai yahaa.N, ham se nazar milaa sake

raunaq-e-bazm ban gaye lab pe hikaayate.n rahii.n
dil me.n shikaayaten rahii.n lab na magar hilaa sake

ahal-e-zabaa.N to hai.n bahut koii nahii.n hai ahal-e-dil
kaun terii tarah "hafeez" dard ke geet gaa sake

Available in Album(s):

Home | Index of Singers Jagjit-Chitra Page
Maintained by Nita Awatramani
URL: http://www.ghazalsingers.com
Last updated on: 20th June, 2000