jis mo.D par kiye the hamane qaraar baraso.n
Sudarshan Faakir

jis mo.D par kiye the hamane qaraar baraso.n
us se lipaT kar roye diivaanaavaar baraso.n

tum gulistaa.N se aaye, zikr-e-Khizaa.N hii laaye
hamane kafas pe dekhii fasal-e-bahaar baraso.n

hotii rahii hai yuu.N to barasaat aasmaa.N kii
uThate rahe.n hai.n phir bhii dil se gubaar baraso.n

vo sa.ngdil thaa ko_ii begaanaa-e-dil thaa
karatii rahii huu.N jisakaa mai.n intazaar baraso.n