ye na thii hamaarii qismat ke visaal-e-yaar hotaa
Mirza Ghalib

ye na thii hamaarii qismat ke visaal-e-yaar hotaa 
agar aur jiite rahate yahii intazaar hotaa 

ko_ii mere dil se puuchhe tere tiir-e-niim_kash ko 
ye Khalish kahaa.N se hotii jo jigar ke paar hotaa 

kahuu.N kis se mai.n ke kyaa hai shab-e-Gam burii balaa hai 
mujhe kyaa buraa thaa maranaa agar ek baar hotaa 

huye mar ke ham jo rusavaa huye kyo.n na garq-e-dariyaa 
na kabhii janaazaa uThataa na kahii.n mazaar hotaa 

ye masaa_il-e-tasavvuf ye teraa bayaan 'Ghalib'
tujhe ham valii samajahate jo na baadaaKhvaar hotaa