Home | Index of Singers Habib Wali Mohammed Page

aashiyaa.N jal gayaa gulsitaa.N luT gayaa
Raaz Ilahabadi


aashiyaa.N jal gayaa gulsitaa.N luT gayaa ham qafas se nikal kar kidhar jaaye.nge 
itane maanuus sayyaad se ho gaye ab rihaa_ii milegii to mar jaaye.nge 

aur kuchh din ye dastuur-e-maiKhaanaa hai tashnaakaamii ke ye din guzar jaaye.nge 
mere saaqii ko nazare.n uThaane to do jitane Khaalii hai.n sab jaam bhar jaaye.nge 

ai nasiim-e-sahar tujh ko un kii qasam un se jaakar na kahanaa meraa haal-e-Gam 
apane miTane kaa Gam to nahii.n hai magar Dar ye hai un ke gesuu bikhar jaaye.nge 

ashk-e-Gam leke aaKhir kahaa.N jaaye.n ham aa.Nsuo.n kii yahaa.N ko_ii qiimat nahii.n 
aap hii apanaa daaman ba.Daa diijiye varanaa motii zamii.n par bikhar jaaye.nge 

kaale kaale vo gesuu shikan dar shikan vo tabassum kaa aalam chaman dar chaman 
khe.nch lii un kii tasviir dil ne mere ab vo daaman bachaa kar kidhar jaaye.nge 

Available in Album(s):
Ghazals and Geets (private recording)
Melodies of Habib Wali Mohammed

Home | Index of Singers Habib Wali Mohammed Page
Maintained by Nita Awatramani
URL: http://www.ghazalsingers.com
Last updated on: 20th June, 2001