Home | Index of Singers Farida Khanum Page

dono.n jahaan terii mohabbat me.n haar ke
Faiz Ahmed Faiz


dono.n jahaan terii mohabbat me.n haar ke 
vo jaa rahaa hai ko_ii shab-e-Gam guzar ke 

viiraa.N hai maikadaa Khum-o-saaGar udaas hai 
tum kyaa gaye ki ruuTh gaye din bahaar ke 

duniyaa ne terii yaad se begaanaa kar diyaa 
tujh se bhii dil-fareb hai.n Gam roz-gaar ke 

bhuule se muskuraa to diye the vo aaj "Faiz"
mat puuchh val-vaal-e-dil-e-naakardaakaar ke 

Available in Album(s):
Excellence of Farida Khanum

Home | Index of Singers Farida Khanum Page
Maintained by Nita Awatramani
URL: http://www.ghazalsingers.com
Last updated on: 20th June, 2001