Home | Index of Singers Begum Akhtar Page

ab to yahii hai.n dil ki duaaye.n
Taskeen Qureshi


ab to yahii hai.n dil ki duaaye.n
bhuulane vaale bhuul hii jaaye.n

vajah-e-sitam kuchh ho to bataaye.n
ek muhabbat laakh Khataaye.n

dard-e-muhabbat dil me.n chhupaayaa
aa.Nkh ke aa.Nsuu kaise chhupaaye.n

hosh aur un kii diid kaa daavaa
dekhanevaale hosh me.n aaye.n

dil kii tabaahii bhuule nahii.n ham
dete hai.n ab tak un ko duaaye.n

rang-e-zamaanaa dekhanevaale 
un kii nazar bhii dekhate jaaye.n

shuGl-e-mohabbat ab hai ye 'Taskeen'
sher kahe.n aur jii bahalaaye.n

Available in Album(s):
Golden Collection
Golden Moments Vol 2

Home | Index of Singers Begum Akhtar Page
Maintained by Nita Awatramani
URL: http://www.ghazalsingers.com
Last updated on: 20th June, 2001