Home | Index of Poets Shamim Jaipuri

ye barhamii ki naaz-e-iltifaat ke baad


ye barhamii ki naaz-e-iltifaat ke baad
ham ko maut kaa paiGaam hai hayaat ke baad

ye kufr-o-dii.n kaa fasaanaa ye zikr-e-dair-o-haram
aziiz hai magar un kii tuvajjihaat ke baad

??? pe ashk-e-alam dil me.n paas-e-zabt-e-fuGaa.N
jo ham ha.Nse to bhii kitane takallufaat ke baad

ab aur haadase kyaa pesh aayenge ai dil
hamaarii un kii muhabbat ke haadasaat ke baad

ham ahal-e-hijr ko lutf-e-sahar nasiib kahaa.N
yahaa.N to raat hii aa_ii hameshaa raat ke baad

kabhii karam hii karam thaa aur ab sitam bhii nahii.n 
taGaaful aur phir itanii tavajjuhaat ke baad

bajuz tere ko_ii mauzuu-e-zindagii hii nahii.n
ajiib haal hai tark-e-ta'alluqaat ke baad

agar ho sidq to aasaaniyaa.N bhii hotii hai.n
'Shamim' raah-e-muhabbat kii mushkilaat ke baad

Contributed by Suhail Manzoor

Home | Index of Poets Shamim Jaipuri
Maintained by Nita Awatramani
URL: http://www.urdupoetry.com
Last updated on: 28th April, 2002