Home | Index of Poets Shamim Jaipuri

kitanii raahat hai dil TuuT jaane ke baad


kitanii raahat hai dil TuuT jaane ke baad 
zindagii se mile maut aane ke baad 

lazzat-e-sajdaa-e-sa.ng-e-dar kyaa kahe.n 
hosh hii kab rahaa sar jhukaane ke baad 

kyaa huaa har masarrat agar chhin ga_ii 
aadamii ban gayaa Gam uThaane ke baad 

[masarrat=happiness] 

raat kaa maajaraa kis se puuchhe.n 'Shamim'
kyaa banii bazm par mere aane ke baad 

Home | Index of Poets Shamim Jaipuri
Maintained by Nita Awatramani
URL: http://www.urdupoetry.com
Last updated on: 16th October, 2001