Home | Index of Poets Shahryar

had-e-nigaah tak ye zamii.n hai siyaah phir


had-e-nigaah tak ye zamii.n hai siyaah phir 
nikalii hai juganuo.n kii bhaTakatii sipaah phir 

ho.nTho.n pe aa rahaa hai ko_ii naam baar baar 
sannaaTo.n kii tilism ko to.Degii aah phir 

pichhale safar kii gard ko daaman se jhaa.D do 
aavaaz de rahii hai ko_ii suunii raah phir 

berang aasmaa.N ko dekhegii kab talak 
manzar nayaa talaash karegii nigaah phir 

Dhiilii hu_ii giraft junuu.N kii ke jal uThaa 
taaq-e-havas me.n ko_ii charaaG-e-gunaah phir 

Contributed by Dinesh Shenoy

Home | Index of Poets Shahryar
Maintained by Nita Awatramani
URL: http://www.urdupoetry.com
Last updated on: 22nd November, 2001