ye kyaa jaane me.n jaanaa hai, jaate ho Khafaa hokar
Seemab Akbarabadi

ye kyaa jaane me.n jaanaa hai, jaate ho Khafaa hokar
mai.n tab jaanuu mere dil se chale jaao judaa hokar

qayaamat tak u.Degii dil se uThakar Khaak aa.Nkho.n tak
isii raaste gayaa hai hasarato.n kaa kaafilaa hokar

tumhii.n ab dard-e-dil ke naam se ghabaraaye jaate ho
tumhii.n to dil me.n shaayad aaye the dard-e-aashiyaa.N hokar

yuu.N hii hamdam gha.Dii bhar ko milaa karate to bahatar thaa
ke dono vaqt jaise roz milate hai.n judaa hokar

Home | Index of Poets


Last updated on 30th May, 1998