Home | Index of Poets Rana Sahri

mujh se vaaqif to mere jism kaa saayaa bhii na thaa


mujh se vaaqif to mere jism kaa saayaa bhii na thaa
kaise ho jaataa tumhaaraa mai.n Khud apanaa bhii na thaa

jitanaa maayuus hai vo shaKhs bikhar kar mujh se
itanii shiddat se to mai.n ne use chaahaa bhii na thaa

jaise ilzaam lagaaye hai.n mere sar us ne
aisii nazaro.n se to mai.n ne use dekhaa bhii na thaa

merii aavaaz kaa Gam shahar ne jaanaa kyo.nkar
mai.n to us bhii.D me.n Khaamosh thaa bolaa bhii na thaa

Home | Index of Poets Rana Sahri
Maintained by Nita Awatramani
URL: http://www.urdupoetry.com
Last updated on: 26th December, 2002