Home | Index of Poets Mumtaz Rashid

patthar sulag rahe the ko_ii naqsh-e-paaa na thaa


patthar sulag rahe the ko_ii naqsh-e-paaa na thaa
ham us taraf chale the jidhar raastaa na thaa

parchhaa_iyo.n ke shahar kii tanhaa_iiyaa.N na puuchh
apanaa shariik-e-Gam ko_ii apane sivaa na thaa

yuu.N dekhatii hai gum_shudaa lamho.n ke mo.D se
is zindagii se jaise ko_ii vaastaa na thaa

cheharo.n pe jam ga_ii thii.n Khayaalo.n kii ulajhane.n 
lafzo.n kii justajuu me.n ko_ii bolataa na thaa

Khurshiid kyaa ubhaarate dil kii taho.n se ham
is anjuman me.n ko_ii sahar_aashanaa na thaa

Home | Index of Poets Mumtaz Rashid
Maintained by Nita Awatramani
URL: http://www.urdupoetry.com
Last updated on: 1st January, 2003