Meg Index | February2003 Index

Date: 25-Feb-2003
Poet: Abid Ali 'Abid'


muhabbat kaa soz-e-nihaa.N rah gayaa
bujhii aag lekin dhuaa.N rah gayaa

[nihaa.N = hidden]

hu_ii kam na taqadiir kii gardishen
zamiin thak ga_ii aasmaa.N rah gayaa

meraa dil hai aur ham_nashiino.n kaa soG
musaafir bas ek kaaravaa.N rah gayaa

[soG = mourning]

gayaa thaa ko_ii sar-e-dasht-e-junuu.N
Khudaa jaane "Abid" kahaa.N rah gayaa