baarahaa gor dil jhukaa laayaa
Meer Taqi Meer
baarahaa gor dil jhukaa laayaa
ab ke shart-e-wafaa bajaa laayaa
qadar rakhatii na thii mitaa-e-dil
saare aalam ko mai.n dikhaa laayaa
dil ke yak qataraa-e-Khuun nahii.n hai besh
ek aalam ke sar balaa laayaa
sab pe jis baar ne giraanii kii
usako ye naatavaa.N uThaa laayaa
dil mujhe us galii me.n le jaa kar
aur bhii Khaak me.n milaa laayaa
ab to jaate hai.n butakade ae 'Meer'
phir mile.nge agar Khudaa laayaa