Meer Taqi Meer


pattaa pattaa buuTaa buuTaa haal hamaaraa jaane hai
Meer Taqi Meer

pattaa-pattaa buuTaa-buuTaa haal hamaaraa jaane hai
jaane na jaane gul hii na jaane, baaG to saaraa jaane hai

lagane na de bas ho to us ke gauhar-e-gosh ke baale tak
us ko falak chashm-e-mai-o-Khor kii titalii kaa taaraa jaane hai

aage us mutaqabbar ke ham Khudaa Khudaa kiyaa karate hai.n
kab maujuud Khudaa ko vo maGaruur Khud-aaraa jaane hai

[mutaqabbar=arrogant]

aashiq saa to saadaa koii aur na hogaa duniyaa me.n
jii ke ziaa.N ko ishq me.n us ke apanaa vaaraa jaane hai

chaaraagarii biimaarii-e-dil kii rasm-e-shahar-e-husn nahii.n
varnaa dilabar-e-naadaa.N bhii is dard kaa chaaraa jaane hai

kyaa hii shikaar-farebii par maGaruur hai vo sayyad bachchaa
ta'er u.Date havaa me.n saare apanii usaaraa jaane hai

mehar-o-vafaa-o-lutf-o-inaayat ek se vaaqif in me.n nahii.n
aur to sab kuchh tanz-o-kanaayaa ramz-o-ishaaraa jaane hai

[mehar=mercy; vaaqif=aware;]
[tanz-o-kanaayaa=taunting, teasing; ramz-o-ishaaraa=hinting at]

kyaa kyaa fitane sar par usake laataa hai maashuuq apanaa
jis bedil betaab-o-tavaa.N ko ishq kaa maaraa jaane hai

[fitane=ordeals; betaab-o-tavaa.N=restless, weak]

aashiq to murdaa hai hameshaa jii uThataa hai dekhe use
yaar ke aa jaane ko yakaayak umr do baaraa jaane hai

raKhano.n se diiwaar-e-chaman ke muu.Nh ko le hai chhipaa ya'ani
un suraaKho.n ke Tuk rahane ko sau kaa nazaaraa jaane hai

tashnaa-e-Khuu.N hai apanaa kitanaa 'Mir' bhii naadaa.N talKhiikash
dam_daar aab-e-teG ko us ke aab-e-gavaaraa jaane hai

Home | Index of Poets


Last updated on 9th December, 1997