Home | Index of Poets Majid Deobandi

saaman-e-tijaarat meraa imaan nahii.n hai


saaman-e-tijaarat meraa imaan nahii.n hai
har dar pe jhuke sar ye merii shaan nahii.n hai

[tijaarat = trade]

har lafz ko siine me.n basaa lo to bane baat
taako.n me.n sajaane ko ye quraan nahii.n hai

[taak = shelf]

allaah merii rizq kii barakat na chalii jaaye
do roz se ghar me.n ko_ii mahamaan nahii.n hai

[rizq = subsistence/daily bread; barakat = abundance/good fortune]

ham ne to banaaye hai.n samandar me.n bhii raste
yuu.N ham ko miTaana ko_ii aasaan nahii.n hai

jis ko buzurgo.n kii rivaayat na rahe yaad
us shaKhs kii logo.n ko_ii pahachaan nahii.n hai

[buzurg = elder]

Recited at Red Fort mushaira, New Delhi on 23rd January, 2001

Home | Index of Poets Majid Deobandi
Maintained by Nita Awatramani
URL: http://www.urdupoetry.com
Last updated on: 24th December, 2002